夢想55073697153632021-05-12 10:23:29

一、新年歌

初一早，初二巧，初三困到飽，初四頓頓飽，

初五隔開，初六挹肥，初七七元，初八原金，

初九天公生，初十有食食，十一請囝婿，

十二查某囝轉拜，十三食泔糜仔配芥菜，

十四結登棚，十五上元瞑，十六拆燈棚。

二、十二生肖相歌

一鼠賊仔名，二牛駛犁兄。

三虎爬坪，四兔遊東京。

五龍皇帝命，六蛇予人驚。

七馬走兵營，八羊食草嶺。

九猴爬樹頭，十雞啼三聲。

十一狗仔顧門埕，十二豬是菜刀命。

三、西北雨

西北雨，直直落。鯽仔魚，欲娶某。

鮕代兄，拍鑼鼓。媒人婆，土蝨嫂。

日頭暗，尋無路。趕緊，火金姑。

做好心，照路。西北雨，直直落。

西北雨，直直落。白鷺鷥，趕路。

翻嶺，過溪河。尋無巢，跋一倒。

日頭暗，欲怎好。土地公，土地婆。

做好心，帶路。西北雨，直直落。

四、

ABD

ABD

狗咬豬，阿公仔坐飛機，

摔一下冷吱吱，叫醫生共伊醫，

醫一下腳骨大細枝，醫一下腳骨大細枝。

五、放雞鴨

一放雞，二放鴨，三分開，四相疊，五搭胸，

六拍手，七圍牆，八摸鼻，九扭耳仔，十拾起，

啊～啊，放雞鴨，雞仔鴨仔，走相拍。

六、月光光

月娘月光光，老公仔佇菜園，

菜園掘鬆鬆，老公仔欲種蔥，

蔥無芽，欲種茶，茶無花，欲種瓜，

瓜無子，老公仔氣甲欲死。

七、阿才

阿才阿才

，

天頂跋落

，

有嘴齒

，

無下頦

，

有眼睛

，

無肚臍

，

叫醫生

，

叫抹

，

叫師公

，

扛去埋

八、阿媽的話

厝後一條溪，溪邊一片地。

阿母想欲種菜頭，阿爸想欲種西瓜。

阿母講

：

菜頭煮香香，呷飯有當配。

阿爸講

：

西瓜甜甜湯閣濟，會當提去賣。

兩個搶搶滾，

阿媽才講話

：

恁兩個，毌當花，彼片地，我欲留乎阮孫放風吹。

九、一禮拜

禮拜一，暗頓呷飽愛做息。

禮拜二，磨墨舉筆練大字。

禮拜三，媽

媽叫我逗洗衫。

禮拜四，去唱歌甲唸詩。

禮拜五，爸爸帶我去掘芋。

禮拜六，路邊逗賣米臺目。

禮拜日，歸家出外曝日。

十、剖一半

西瓜剖一半，紅到乎人金金看。

頻果剖一半，芳到乎人嘴闊闊。

菠蘿剖一半，酸到乎人留嘴瀾。【銀翌】

倒騎毛驢走天涯2021-05-12 10:35:08

初一早，

初二早，

初三澼到飽，

初四神落天，

初五假開，

初六摸，

初七摸，

初九敬天公，

初十伽藍生，

十一十一福，

十二女兒返去拜，

十三人點燈，

十四結燈棚，

十五元宵瞑。